產後用品同衛生

常常聽到有好多孕婦執走佬袋時會預備定網褲同有扣產婦衛生巾，但我之前生四個小朋友都一直只用黏貼形嘅產婦衛生巾，因為入待產時如果見紅或者穿水都可以穿內褲，所以用黏貼又方便心理上都覺得安全d!記得之前生頭三胎只有係產房生完後待醫院阿姐準備幫我墊下面剛生產完傷口時問過1次:你有帶有打產婦衛生巾同網褲嗎?我答:無!只帶咗 黏貼形嘅產婦衛生巾，跟住佢地就比1條我用，送到上病房時，通常休息夠6個鐘，我就會嘗試落床去冼手間換返內褲同換前後2條黏貼形產婦巾la（我感覺真的比較舒服，也較少弄污床單）!所以我發覺原來成個生產之過程入面，其實我只需用一條有扣嘅產婦巾，所以到我生第四胎時我決定只買定1包有扣產婦巾!
另外有fb朋友問我:你生4個小朋友係點樣處理產後傷口?有試過發炎嗎?
答:我臨生前執走佬袋會帶定2個冲冼瓶同厨房紙1卷（生完再叫老公拎比我），1個冲冼瓶落1/3蓋嘅滴露開大約200-250毫升水溝稀，另1個冲洗瓶裝水（係醫院先裝），每次更換噴幾下溝稀嘅滴露，再用溫水噴幾次，然後用厨房紙輕力每面印乾哂傷口就ok（唔好同一位置重覆用嚟印）,每次我一餵完bb掃完風就會去冼1次傷口，當然如果每次大小便後都要再冼1次la!每次洗完傷口都好舒服ka!個傷口亦好快好!（我大約每4個鐘洗1次，如中間時間有大小便要再洗1次ka,勤力d傷口先會快好ka）